Nahan-ay na ang ipatuman nga security plan,traffic scheme ug emergency medical response alang sa kapistahan sa Itom nga Nazareno sa syudad sa Enero 9 ning tuiga.
Kini human gitapos na ang sunod-sunod nga panagtagbo sa taga-simbahan ingon man sa nagkadaiyang ahensiya sa gobierno alang niini.
Miingon si Rev. Msgr Perseus Cabunoc,kura paroko sa Jesus Nazareno Parish- Archdiocesan Shrine of Black Nazarene nga target sa coordination meeting nga makab-ot ang hapsay,malinawon ug luwas nga translacion 2025 sa kapistahan nga tambungan sa libuang mga deboto.
Kabahin sa rota nga agiansa sa prosesyon sa Nazareno ang dalang Fernandez-Don Apolinar Velez-Claro Recto diin nakabase ang simbahan nga nahimutang ang replica.
Hisayrang sa pagka-otso sa Enero sa gabii,ibalhin ang replica sa Nazareno ug pagka-9 sa kadlawon, ilusad ang prosesyon.
