-- ADVERTISEMENT --
GENERAL SANTOS CITY – Aminado ang pamuuan sa Gensan City Police Office nga nagkataas ang ihap sa pagpanghold-up sa dakbayan rason nga gihatagan ug direktiba ni Col. Aden Lagradante ang tanang hepe aron kini tutukan.
Sumala kang Police Major Rexor Canoy, tigpamaba sa GSCPO nga bisan pa man ug aduna nay mga nadakpan ug napatay nga mga suspek sa pagpamusil, nagpabilin gihapon nga nagkataas ang ihap sa maong krimen.
Apan gipaniguro niini nga padayon ang kapulisan sa pagtutuk sa mga tulis ug kawat sa dakbayan hilabina nga nagapadulong ang bulan sa Disyembre.
Dugang pamahayag ni Police Major Canoy nga nabungkag na ang grupong responsable sa pagpanulis sa area sa San Isidro Police Station.
