GENERAL SANTOS CITY – Nagbangutan ang pamilya human nga namatay ang ilang mahal sa kinabuhi sa disgrasya.
Ang biktima ang nailhan sa pangalan nga si John Paul Abrahan, 20 anyos, residente sa Purok Bualan, Barangay Tambler ning syudad.
Base sa imbestigasyon sa Traffic Management Unit (TMU) nga nakabangga ug iring ang biktima dayon milahos sa barandilya hinungdan nga nakaangkon ug dagkong samad.
Matud sa kapulisan nga nabadlis sa barandilya sa Gensan Airport ang motor sa biktima nga gituhu-an nga paspas ang pagpadagan.
Possible nga nawad-an sa kontrol ang biktima hinungdan nga misandig sa barandilya apan tungod sa kapaspas sa dagan nasirko kini ug nabunal.
Nasuta nga nananghid lamang ang biktima nga bisitahon ang barkada apan sa pagpauli didto nahitabo ang disgrasya.
