GENERAL SANTOS CITY – Gipailawom ang tanang ginsakpan sa 73rd Infantry Batallion Philippine Army sa random drug test.
Kini ang gibutyag sa tigpamaba nga si Lt. Daryll Cansancio kon asa sumala sa nasampit, kaabag nila niini ang lokal nga panggamhanan sa Davao Occidental pinaagi sa provincial health office og ang PDEA Region 11.
Gibutyag sa opisyal, nahimong ehemplo ang Batallion Commander nga si Lt. Col. Marion Ancao dihang kini ang unang mipailawom sa drug test.
Sumala pa ni Lt. Cansancio nga kabahin kini sa internal cleansing sa ilang han-ay isip suporta usab sa hugot nga kampanya kontra gidiling droga ilawom sa liderato ni Pangulong Rodrigo Duterte.
Ang kinsa mang mapamatud-ang magpositibo sa droga human ang confirmatory test, gilayong tangtangon sa serbisyo..
