GENERAL SANTOS CITY – Mukabat sa 16 ka mga pulis ug laing pipila pa gikan sa Joint Task Force Gensan ang gideploy ning higayuna sa Hacienda Espina sa Labangal ning syudad.
Kini may kalabutan sa Task Force 973 nga gimugna aron nga maoy mututok sa kahapsay ug kalinaw sa moang giiskwat nga yuta.
Nasuta nga maong mga pulis ang nagikan sa walo ka presento kon asa duha ang gikuha sa matag presento.
Matud pa nga kini ang nahimong solusyon sa City Council ug sa GEneral Santos City Police Office aron nga mamonitor ang mga gadala-dala ug armas ug gahimo ug kasamok sa maong area.
Tumong usab niiini nga dayong makareponde sa kagubot ug a dunay police assistance nga mahatag sa katawhan sa maong lugar.
Nasuta nga nagpadayag na ug kabalaka ang mga residente sa lugar nga hapsay namuyo una pa miabot ang mga claimants sa Hacienda Espina.
Kahibaluan nga duha ka gwardya ang namatay sa bahin sa mga Olarte human ang natigayong engkwentro miaging adlaw. Kini human sa gipahigayong nga peace covenant niadtong Pebrero 14.
