GENERAL SANTOS CITY- Nakapangalan gihapon hangtod karon ngadto kang Reyna Apolinario, asawa sa KAPA investment scam founder Joel Apolinario ang JOREY Gasoline station sa Bula-Lagao Road sa dakbayan.
Kini ang gibutyag ni Geraldine Zamora, labaw sa Business Permits and Licensing Division sa dakbayan pakighinabi kaniya sa Bombo Radyo. Gibutyag niini, nagpabilin nga valid ang business permit sa maong negosyo human nga naka-renew kaniadtong Enero.
Sa gihimong pagsusi sa Bombo Radyo, nakabutang sa gawas nga bahin sa gasolinahan nga ” under new management” na ang maong negosyo.
Samtang ang Reyna Convention ang nakapangalan gihapon kay Reyna Apolinario samtang ang banana plantation sa halapad nga yuta sa Brgy Jose ning syudad lakip ang panagatan ang wala nakapangalan kanila.
Sa iyang pamahayag nga walay nadawat nga kamanduan gikan sa goventment office nga nagmando kanila nga pugngan una ang mga assets sa magtiayong Reyna og Joel Apolinario.
