Election gun ban violators mukabat na sa 554

Mukabat na sa 554 ang ihap sa mga misupak sa election gun ban, sumala sa Commission on Elections (Comelec).

Sa karon aduna nay 521 ha sibilyan, 18 nga security guard, upat nga miyembro sa Armed Forces of the Philippines, upat ka langyaw ug uban pa ang nadakpan tungod sa pagsupak sa gun ban nga gipatuman gikan niadtong Enero 12.

Gibutyag ni Comelec Chairman George Garcia nga padayong nagpasidaan ang poll body sa publiko nga sundon ang balaud sa eleksyon lakip na ang gun ban.

Ang election gun ban ang epektibo hangtod Hunyo 11, 2025.

Gibutyag ni Garcia nga ang mga mapamatud-ang misupak sa election gun ban ang posibleng mag-atubang sa pagkabilanggo og diskwalipikasyon sa pampublikong opisina.