GENERAL SANTOS CITY – Subli nga nagkita ang mga kandidato sa May 9, 2022 elections sa usa ka unity concert niadtong sabado sa gabii nga gipahigayon sa oval plaza ning syudad .
Mismong ang mga residente nakamatikod sa presensya sa mga napildi ug midaug nga kandidato ug nakigbahin sa maong sa maong selebrasyon.
Gipangunahan ni Gensan Mayor Ronnel Rivera ang maong ang unity concert human nagpaabot ug pasalamat sa mga residente sa resulta sa election niadtong Mayo.
Naa usab ang Representante sa unang distrito sa South Cotabato Sherlin Nograles nga nakigduyog sa kasadya.
Matud ni Mayor Rivera nga ang “Unity Concert” ang pasalamat ni President-elect Ferdinand Bongbong Marcos ug Vice President -elect Sara “Mayor Inday” Duterte sa mga residente nga misalig sa ilang katakos. Daghan sa mga residente ang nakigdungan nga nagrakrakan sa mga kanta nga gidalit sa banda .
Nakahigayon usab ang pipila ka residente sa pagpakuha ug hulagway sa mga opisyal sa syudad kauban sa pipila ka kandidato sa nakalabay nga pinili-ay.
Nasuta nga dise syete ka adlaw na lamang magpabilin sa serbsiyo silang Mayor Rivera ug Rep. Nograles tungod udto sa Hunyo trenta mahuman na ang ilang termino.
