GENERAL SANTOS CITY – Padayon ang pagdagsa sa mga donasyon gikan sa mga kasikbit nga lugar sa Tukey ug bisan ang pipila ka mga lugar sa Turkey nga wala maapektuhan sa 7.8 magnitude nga linog ang naghatud usab sa ilang mga donasyon sa mga naapektuhan.
Usa sa magpamatuod niini mao ang grupo ni Bombo International Correspondent Lilia Eryener sa Turkey kung asa naghatud sila ug mga donasyon.
Saysay pa niini nga layo ang ilang lugar gikan sa epicenter sa linog maong nagpasalamat kini nga walay mga dagkong kakulian sa lugar nga iyang nahimutangan.
Saysay pa niini nga napulo ka mga dagkong syudad sa Turkey ang grabeng naapektuhan ug adunay usa ka syudad nga daghang mga Pinoy ang nakaminyo ug mga Turkish National.
Sa karun padayon pa ang ilang pakig-alayon sa PH Embassy sa pagkuha ug mga impormasyon kung aduna bay mga Pinoy nga nalakip sa mga nabiktima.
