GENERAL SANTOS CITY – Sunod sa senior citizen nga angayang mabakunahan base sa priority list sa vaccination program sa gobyerno kontra sa COVID 19 ang mga indibidwal nga adunay comorbidities kun adunay mga gibating sakit.
Matud pa ni Arjohn Gangoso, tigpamaba sa Department of Health (DOH) ang mga adunay cormobidities nga 18-59 anyos ang nalakip sa A3 groups samtang ang A2 groups naglangkob sa mga senior citizen.
Giklaro ni Gangoso nga dili basehan sa mga A3 groups kung unsa ang ilang trabaho aron mahimong eligible o kwalipikadong maturukan og COVID 19 vaccine.
Sa karon nagapadayon ang pagbakuna sa mga senior citizens sa dakbayan nga gikan sa nagkadaiyang barangay.
Lakip sa vaccination sites ang mga malls, gyms og Barangay Rural health Units.
Mulungtad pa hangtod sa Abril 24 ang pagbakuna sa mga nasampit.
