Mga colorum nga tricycle magsunod gihapon sa mga patakaran

GENERAL SANTOS CITY – Gihingusgan ni Kag. Dominador Lagare Jr. chairperson sa Committee on Transportation sa konseho nga bisag ang mga colorum nga tricycle ang angayang magsunod sa mga patakaran nga gipatuman sa syudad.

Matud pa sa maong konsehal nga oras nga ipatuman ang bag-ong taripa sa pamasahe angayang maimplementar.

Nasayran nga sa napasa nga resolosyon gikan sa P18 nga mimimum nga pamasahe gihimo na sa P15.

Gihulat na lang ang pag-aproba sa Sangguniang Panlungsod una hingpit ipatuman.

Matud pa sa nasampit nga opisyal nga kini gumikan oras nga maplastar ang tanan bawal na nga mamasahero ang mga colorum nga mga tricycle.

Sa pagkakaron gisugdan na plastar sa syudad og kapin sa 1,000 ka prangkisa ang inisyal nga i-isyu pa sa syudad.