GENERAL SANTOS CITY – Gipaklaro ni Restituto Jong Facurib, administrator sa Bulaong Terminal sa dakbayan nga dili pwede makabiyahe ang mga depasaheruan nga sakyanan og bus kung walay special permit gikan sa Land Transportation Franchising and Regulatory Board (LTFRB).
Matud pa ni Facurib, makabiyahe sa sulod og gawas sa dakbayan apan dili makagawas sa Region 12.
Kini mao ang 11 ka mga public utility vehicles (PUVs) ilawom sa 11 ka kooperatiba og mga bus unit sa tulo ka kompanya.
Gihingusgan nga angayang 50% sa kapasidad sa depasaheruang sakyanan ang isakay nga pasahero aron dili mamultahan.
Gikadugang pa ni Facurib, kinahanglang sundon ang social distancing, pagsul-ob ug face mask og face shield sa mga pasahero, driver og konduktor.
Samtang hugot nga gibawalan ang mga PUVs og mga bus nga magkuha og pasahero sa dalan tungod angayang sa terminal lamang musakay.
