GENERAL SANTOS CITY – Isip pagtamod sa kamandu-an sa Department of Transportation and Communication nagpahigayon ug duha ka adlaw nga Workshop aron pagmugna ug draft alang sa Local Public Transport Route Plan sa munisipyo sa Tupi.
Ang maong workshop ang gitambungan sa mga personahe sa Land Transportation Franchising Regulatory Board region 12, LPTRP Committee and Technical Working Group ug uban pa.
Matud ni MDRRMO Emil Sumagaysay nga nag-iyahay ug presenta ang nagkadaiya nga komite alang sa kamugnaan sa rota sa sakyanan pinasibu sa Public Utility Vehicle Modernization program.
Matud ni Sumagaysay nga ang naasoy nga munisipyo adunay 16 ka barangay nga sulod sa rota nga ilang gimugna.
Sama sa ubang syudad gamiton sa transportation sector ang mga electric jeep u kaha Euro 4 compliance vehicle.
Pagka karon wala pa masayran kung pila ka rota sa modern jeepney ang mubiyahe sa naasoy nga lugar.
