GENERAL SANTOS CITY – Giila ang mga katungod sa mga Muslim nga mamumuo nga naa nagtrabaho sa mga Mall human gitugtan nga masul-ob ang ilang Hijab samtang naa sa ilang trabaho.
Kini human gipahigayon ang usa ka panagtigum nga gipangunahan sa Muslim Religious Advisory Council ug Integrated Cultural Communities Affairs Division sa buhatan sa Mayor ning syudad sa pagpanguna ni Jocelyn Kanda.
Naa usab ang mga Human Resource Management Officer gikan sa mga Mall ning syudad nga naminaw sa pahayag sa advisory council.
Una ng gipaklaro ni Jocelyn Kanda nga tumong sa pagpatawag sa taga Mall aron sundon ang natalid sa Hijab ordinance nga naaprubahan sa Konseho ning syudad ug ipatuman sa tanang business establishment aron pagsiguro nga mahatagan ug patas nga oportunidad ang mga relihiyoso nga sektor.
Positibo usab ang nahimong tubag sa mga Mall ning syudad kalabut sa maong ordinansa.
