Mga anak nga may sintomas sa COVID 19 dili na paadtuon sa eskwelahan

GENERAL SANTOS CITY – Mihangyo si Dr. Romel Flores, GenSan Deped Supt. sa mga ginikanan nga kung apil ang mga anak sa progressive face to face classes og kung dili maayo ang gibati ang dili na paadtuon sa tulunghaan.

Matud pa ni Flores nga kini aron masiguro ang panglawas sa laing mga kabataan og maprotektahan ang tanan.

Gibutyag pa niini nga sukad nga nagsugod ang klase nga may pandemnya walay natala nga natakdan sa COVID 19 nga mga estudyante.

Kahibaluan nga dul-an na sa 30 ka mga tulunghaan sa dakbayan ang nakasugod na sa progressive face to face classes.

Hugot nga gipatuman sa sulod sa eskwelahan ang mimimum health standards kung asa una makasulod sa klase sutaon ang temperatura sa estudyante.