US- Mihimo og makapakurat nga pag-angkon ang kanhi-aide ni kanhi US Pres. Donald Trump nga ang asawa sa Republican leader nga si Melania Trump ang nagdumot kang Donald Trump ug ‘secretly rooting’ kang Democrat presidential candidate Kamala Harris nga modaog sa umaabot nga piniliay.
Mao kini ang giangkon ni Anthony Scaramucci, nga nagsilbing White House communications director gikan sa Hulyo 21 hangtod Hulyo 31, 2017 o sulod sa 11 ka adlaw, sa wala pa gipalagpot ni Donald Trump.
Ingon man nga dili kini ang una nga higayon nga mipadayag ang kanhing aide ni Trump ug atol sa Democratic National Convention sa Chicago, miangkon usab si Stephanie Grisham, kansa kanhi Press secretary ni Trump nga ang kanhi presidente gibiaybiay ang iyang mga supporters.
