Mayor Yap sa Glan miapila sa publiko nga makigkooperar sa kampanya batok sa ASF

GENERAL SANTOS CITY – Hugot ang panawagan ni Mayor Vivien Yap sa Glan, Sarangani Province nga makigkooperar ngadto kanila sa kampanya batok sa African Swine Fever (ASF).

Gipailawom sa culling ang anaa sa dul-an sa 100 ka mga baboy sa Barangay Pangyan sa maong munisipyo human nga adunay nagpositibo sa ASF.

Sumala pa ni Mayor Yap nga human nga iyang nabalitaan nga adunay natala nga positibo sa ASF sa maong dapit gilayon nga iyang gipa-test.

Samtang iyang gihingusgan nga kontrolado na ang sitwasyon sa maong lugar.

Gibutyag pa niini nga sa ulahing mga test nga gihimo negatibo na sa virus ang specimen.

Ang apila ni Mayor Yap sa katawhan nga dili magpalusot og karneng baboy gikan sa Davao Occidental gumikan ang maong lugar adunay kaso sa ASF.