GENSAN – Personal nga naglibot sa lain-laing dapit sa dakbayan atol sa bisperas sa Pasko si City Mayor Lorelie Geronimo Pacquiao aron ipanghatag ang mga noche buena food packages sa mga tricycle driver ug sa ilang mga pasahero.
Gawas pa sa pagkaon, naghatag usab ang mayor og gamay nga tabang-pinansyal sa mga drayber isip “boundary” aron makabalik sila sa balay og sayo ug makasabay sa ilang pamilya sa pagselebrar sa Pasko.
Makita sa ilang mga nawong ang dakong kalipay ug katingala sa simpleng lihok apan tinud-anay nga regalo sa mayor, nga nagpamatuod nga bisan sa gamay nga paagi, mapadayag ang tinuod nga espiritu sa Pasko.
Ang pagpakabana, pag-amuma sa isigkatawo, ug pagpalig-on sa panaghiusa sa komunidad, samtang ginapasigarbo usab ang suporta sa lokal nga pangagamhanan alang sa katawhan sa dakbayan.
