Dili gihapon hingpit nga makatuo si Mary Jane Veloso, ang Pinay nga naa sa detention row sa Indonesia, sa planong pagbalhin sa iyang kustodiya dinhi sa Pilipinas.
Sa unang pakighinabi kang Veloso sukad nga ang PH ug Indonesia mipirma og kasabotan niadtong miaging semana aron siya makapauli dinhi sa nasud, matud niya nga milagro ang plano sa pagbalhin kaniya.
Dugang pa niini nga , sa matag pagmata niya sa buntag, iyang gihuna-huna ang iyang mga pangandoy sa walay kasegurohan nga kinabuhi.
Busa ang kanunay niyang giampo sa Diyos nga hatagan siyag laing higayon nga makapauli ug makauban ang iyang pamilya.
Busa sukad sa iyang pagkahibalo sa maong balita, mas nalipay siya kay human sa halos 15 ka tuig, makapauli na siya sa iyang nasod ug sa iyang pamilya nga iyang gipaabot sa kadaghanan.
Matud pa usab ni Veloso nga kinahanglan niyang andamon ang iyang kaugalingon sa mental ug pisikal aron maatubang ang tanan lakip na ang iyang pamilya.
Kahinumduman nga sa miaging semana, ang senior law and human rights minister sa Indonesia nga si Yusril Ihza Mahendra niingon nga usa ka praktikal nga kasabutan ang gilagdaan tali sa gobyerno sa PH ug Indonesia alang sa pagpauli ni Veloso.
Si Veloso gipaabot nga makagawas sa Disyembre 20 sa dili pa ang Pasko ug ang iyang sentensiya sa kamatayon mausab ngadto sa tibuok kinabuhi nga pagkabilanggo.
