Martial law gipatuman sa walo ka rehiyon sa Thailand

Nagdeklara ang gobyerno sa Thailand og martial law sa walo ka distrito duol sa utlanan niini sa Cambodia.

Kini luyo sa nagpadayong tensyon sa duha ka nasod tungod sa panaglalis sa teritoryo. Ang acting Prime Minister sa Thailand nga si Phumtham Wechayachai miingon nga ang mando ipatuman dayon.

Gipasidan-an usab niini nga ang ikaduhang adlaw sa cross-border fighting tali sa duha ka nasud mahimong usa ka maduguong gubat.

Kaniadtong Huwebes, nagbinayloay og bala ang Thailand ug Cambodia sa usa ka rehiyon diin ang duha ka mga nasud nag-away sa pipila ka mga siglo.

Ang insidente nag-aghat sa pagbakwit sa kapin sa 138,000 ka mga tawo gikan sa rehiyon sa utlanan sa Thailand.