Nagpasalig ang 21 ka manufacturers sa basic necessities ug prime commodities (BNPCs) nga dili usa magsaka sa presyo sa ilang mga produkto sulod sa 30 ka adlaw, samtang ang uban mahimo pa kini mapadayon hangtod 60 ka adlaw, sumala sa Department of Trade and Industry (DTI).
Lakip sa mga produktong dili usbon ang presyo mao ang de-lata nga sardinas, pan, bottled water, instant noodles, kape, de-lata nga karne, sabon, ug kandila.
Gipahigayon kini human sa “meeting” uban ni Trade Secretary Cristina Roque niadtong Marso 16 aron matabangan ang publiko batok sa pagsaka sa presyo tungod sa kalibog sa presyo sa lana gikan sa tensyon sa Middle East.
Gibutyag sa DTI nga ang pipila ka brand sama sa instant noodles ug uban pang produkto magpabilin ang presyo sulod sa 60 ka adlaw.
Nagpasalamat si Roque sa kooperasyon sa mga manufacturers ug gipasiugda nga ilang prayoridad ang patas ug makatarunganong presyo alang sa mga konsyumer.
Padayon usab ang koordinasyon sa DTI sa industriya aron masiguro ang igo nga suplay ug mapabilin ang presyo sa mga nangunang palaliton sa nasud.
