Gisugyot si Senador Raffy Tulfo sa Land Transportation Office (LTO), nga i-require ang tanang nagpa-renew sa ilang vehicle registration nga personal nga moadto sa LTO branch ug mosumiter og valid government IDs.
Gitumbok ni Tulfo, chairman sa Senate Committee on Public Services, ang taho ngadto sa iyang buhatan kalabot sa usa ka Montero Sport nga may plakang PEO-987 nga maoy gigamit sa pagkulata sa usa ka cancer patient hangtod namatay niadtong Hunyo 10. Hangtod karon, ang drayber wala pa mailhi tungod kay gipasa ang sakyanan ug ang proseso sa “open deed of sale”.
Gumikan niini, si Tulfo moduso og balaudnon nga mag-require ug napulo ka adlaw gikan sa petsa sa pagpalit sa sakyanan ug kinahanglang erehistro kini sa LTO.
Kon dili motuman ang tag-iya, matod niya nga i-impound dayon ang sakyanan. Ug kung dili mutuman sa maong balaod e impound ang maong sakyanan.
Pagpklaro usab niin nga ang regulasyon dili bag-o ug gipatuman sa lain-laing mga estado sa America.
Dugang pa ni Tulfo nga iyang iapil ang probisyon nga “anti-fixer” sa maong balaudnon diin kon adunay fixer nga masakpan sa usa ka LTO unit, ang direktor nga nagdumala sa nahisgutang buhatan matangtang dayon sa katungdanan tungod sa 1st offense.
Sa katapusan, nanawagan ang magbabalaod sa tanang mga tag-iya og sakyanan nga mipalit sa ilang mga sakyanan nga segunda mano ug wala gihapon marehistro sa ilang ngalan nga modangop sa labing duol nga buhatan sa LTO aron mabalhin kini sa saktong pangalan.
