GENERAL SANTOS CITY – Nakasuhan na ang usa ka mananagat nga responsable sa pagdunggab sa usa ka factory worker sa Paradise Brgy. Tambler ning dakbayan.
Giila ang suspek nga si Sonny Lumapas, nga residente sa maong lugar.
Natigayon ang pagpanunggab sa pag-abot sa suspek sa ilang balay kon asa gibato niini ang ilang atop aron matud pa mabal-an sa iyang asawa nga niabot na siya..
Apan nasuko matud pa ang grupo sa mga lalaki sa pikas balay kon asa lakip dinhi ang biktima nga si Ubra Kalain Nasa tungod nagtuo nga sila ang gibato.
Gitabangan matud pa ang suspek sa grupo apan nadunggaban matud pa sa suspek ang biktima.
Gipanghimakak sa suspek nga siya ang nakadunggab sa biktima luyo nga siya ang gitudlong responsable sa krimen.
Sa karon nagpabiling balhog sa selda ang maong mananagat.
