GENERAL SANTOS CITY – Patay nga nahibalik gikan sa lawod ang usa ka mananagat human matud pa miambak sa dagat samtang nagbitbit ug balde nga napuno ug bato.
Matud ni PT Officer Randy Roxas nga nakadawat ug tawag gikan sa panagatan kalabut sa patay nga lawas nga karga sa usa ka panagatan nga gidunggo sa dakbayan.
Giila niini ang napatay nga si Rey Orqueza 42 anyos nga residente sa Sta Cruz, davao del Sur apan temporaryo nga nagpuyo sa Labangal ning dakbayan.
Basi sa pahayag sa Boat Captain nga si Christopher Dulay nga kanunay mag-inum ug halos dili mukaon ang biktima nga posebling hinungdan sa iyang depresyon.
Gani ila matud pang nakita nga milokso sa ulin nga bahin sa fishing boat ang biktima nga may nakahigot nga balde nga puno ug bato hinungdan nga paspas ang pagtidlong sa ilawom sa dagat.
Ila matud pang gisulayan ug salom ang biktima apan wala na nila kini makita apan pipila ka minuto milutaw ang biktima apan wala na kini maginhawa.
Gumikan sa panghitabo namauli na lamang sila balik sa dakbayan nga walay dala nga isda.
