Anaa sa P5 million ang inisyal nga damyos sa natigayong pagbaha sa Alabel, Sarangani Province sa miaging mga gabii. Gatusan ka mga residente sa Bagacay, Poblacion, Ladol og sa Kawas ang apektado.
Samtang daghang pananum ang nadaur sa pagbaha lakip ang prawn farm.
Sa Kawas naapektuhan ang prawn farm nga mukabat sa P3 million.
Anaa sa 5.5 ka ektarya sa umahan ang nadaut gumikan sa pagbaha sa Alabel, Sarangani Province samtang anaa sa 1.25 ka ektrya sa bahinsa utanum.
Nasuta nga may damyos usab sa fishery sektor kung asa anaa sa 0.25 ka ektarya sa pangisdaan ang naapektuhan sa baha.
Samtang adunay pagdahili sa yuta nga natigayon sa Sitio Pait, Alegria kung asa lima mga mag-uuma ang apektao nga na-validate ug gibana-bana nga 10 ka hektarya ang naapektuhan nga gikalangkuban sa usa ka ektarya sa mais, lima ka ektarya sa saging og upat ka ektarya sa lubi.
