Nakasinati og pag-ulan ang dakbayan gumikan sa gitawag nga Shear Line o Tail-end of Frontal System.
Matud pa ni Benrio Biñan sa Pagasa GenSan nga ang shearline ang namugna nga linya nga panganod tungod sa mabugnaw nga hangin gikan sa Siberia og China gumikan nagsugod na ang winter season sa maong mga lugar.
Sa pamahayag ni Biñan nga gumikan sa maong sitwasyon ang Palawan, Visayas, og Mindanao ang makasinati og madag-omun nga kawanangan inubanan sa katag-katag nga pag-ulan og pagdalogdog.
Kung kusog ang ulan posible masinatian ang flash floods o landslides.
Kahibaluan sa pipila ka area sa syudad ang nakasinati og pagbaha sa kadalanan kagahapong adlawa susama sa Conel road, sa Mabuhay og sa ubang parte sa San Isidro human nga nagbundak ang kusog nga ulan.
