-- ADVERTISEMENT --
GENERAL SANTOS CITY – Magdepende sa isugyot ni DepEd 12 Director Carlito Rocafort ang pagdesisyon sa reklamo nga pagpangabuso batuk sa usa ka magtutudlo.
Kini ang nahimong pahayag ni Gensan School Division Superintendent Isagani de la Cruz human gidakop ang magtutudlo nga may kaso sa pagsupak sa RA 11930 kon Anti online sexual abuse o exploitation of children ug anti child abuse.
Matud ni de la Cruz nga hulaton ang “go signal” gikan sa regional Office kalabut sa imbestigasyon sa administrative case nga atubangon sa nahisgutang magtutudlo nga karon suspendido na.
Giangkon sa nahisgutang Opisyal nga leksyon kanila ang nahitabo sa wala gipanganlan nga magtutudlo busa angayan nga dili gayod pamarisan.
