GENERAL SANTOS CITY – Padayon ang pagtigum pa ug impormasyon sa kapulisan kalabutan sa usa ka mag-uuma nga gipusil sa wala maila nga suspek samtang nanugway sa binuhi niini nga baka.
Giila ni POlice Major Verlyn Pampolina, hepe sa Tupi Muncipal Police station ang biktima nga si Allan Gula Joloro, 45 residente sa Baragay Crossing Palkan, Polomolok, South Cotabato.
Matud ni Pampolina nga nakaangkon ug samad sa likod nga bahin sa lawas ang biktima hinungdan sa iyang kamatayon.
Nakuha sa crime scene ang duha ka basyo sa caliber 45 pistol nga gigamit sa suspek.
Luyo nga wala pa matombok ang motibu apan nagpadayon ang pakiglambigits a kapulisan sa pamilya sa biktima aron mahatagan sa hustisya ang nahitabo nga krimen.
Nahitabo ang mangilngig nga pagpatay sa lugar nga sakop na sa Kablon, Tupi, South Cotabato.
