GENERAL SANTOS CITY – Gapaabot pa ang Land Transportation and Franchising Board (LTFRB) 12 sa kamanduan kung kanus-a sugdan ang ipahigayon nga libreng sakay sa mga pampublikong sakyanan.
Matud pa kang retired Lt. Col. Reynato Padua, regional director sa LTFRB 12 nga anaa sa P7 billion ang pondo ang gigahin sa sa tibook Pilipinas alang sa maong programa isip tabang sa maong sektor gumikan sa paggamay sa ilang pasahero gumikan sa COVID 19.
Gibutyag ni Padua nga sa rehiyon 12 anaa sa P250 million ang pondo nga gihatag nga mukabat sa 693 ka mga sakyanan ang benepisyaryo.
Dili lamang ang taga Soccksargen ang ilawom sa maong program apan lakip ang taga Cotabato City og sa Maguindanao.
Apil sa maong programa ang mga bus, UV express, PUJ ang modernize og karaang jeep, tourist transport og shuttle service.
Tungod niini dili na magpasaka og pamasahe ang mga nasampit kung asa libre usab ang pagsakay sa mga commuters.
