Galaum si Pangulong Ferdinand Marcos nga magdala pa og dugang economic activities sa mga residente sa Mindanao ang bag-uhay lamang giablihan nga multi-billion peso nga kantidad nga tulay nga nagsumpay sa Tubod,Lanao del Norte og Tangub City sa Misamis Occidental.
Kini human sa pagpanguna ni Marcos sa inagurasyon sa Panguil Bay Bridge nga kasamtangang gikonsidera nga labing taas nga tulay sa Mindanao.
Gibutyag sa pangulo nga muagi man sa daghang pagsulay ang Panguil Bay Bridge sugod tuig 1998, apan nakab-ot na usab sa kaulahian ang kalampusan alang sa mga residente sa bahin sa Northern Mindanao.
Kahinumduman nga ang maong tulay nga adunay katas-on nga kapin 3.169 kilometro, nasugdan ang pagtrabaho sa panahon ni kanhi Pangulong Rodrigo Duterte og nahuman sa administrasyon ni Marcos.
Nasayran nga ang maong tulay ang bunga sa loan program sa Philippine og South Korean government nga gibuhuan og og pondo nga halos P8 billion.
