SARANGANI PROVINCE – Pagatutukan ni Sarangani Lone District Rep. Steve Solon ang pagkuha ug pondo nga P300M alang sa pagatukoron nga flood control sa Alabel Sarangani.
Kini aron maresolba ang nahitabo nga pagbaha sa Alabel nga nagresulta sa pagsulod sa tubig sa capitol compound sa labing unang higayon.
Giangkon sa nahisgutan nga gikulang sa kasinati-an isip magbabalaud apan maningkamot nga makigdungan sa mga kauban nga Kongresista aron mapasa ang gikinahanglan nga pundo.
I-apas usab niini alang sa sunod tuig nga pondo ang paggahin ug P6.2B nga pundo aron mabutangan ug suga ang dalan gikan sa kinatumyan nga Barangay sa probinsya ang Malungon Gamay paingon sa Pulutana.
Kung mabutangan na unya kini ug pondo mahimong sayon na ang pagbiyahe bisan gabii gikan sa General Santos paingon sa Davao City.
Gani gipasusi na usab sa Kongresista ang taho nga gibiyaan sa contructor ang nagpadayon nga pagpasemento gikan sa Sta. Maria Davao Davao Occidental paingon sa Poblacion sa Malungon Sarangani Province.
