GENERAL SANTOS CITY – Giandam na sa lokal nga gobyerno sa dakbayan ang mga tanang himoon alang sa matigayon nga kalag-kalag.
Matud pa ni Engr. Ronald Nuñeza, department head sa City Housing and Land Management Office kon CHLMO nga sa dakbayan, lima ang pribadong sementeryo og pito ang mga pampubliko.
Ang City Housing ang maoy gadumala sa Antonio C. Acharon Memorial Park kon ACAMP usa ka pampublikong sementeryo sa syudad.Nasayran nga anaa sa kapin sa 33,000 ang nalubong sa maong sam-ang.
Sa mga gusto nga muadto sa maong sementeryo abli kini 24 oras sugod Oktobre 31,November 1 og 2.
May kabag-ohan sa entrance kung panahon sa kalag-kalag aron nga dili magresulta sa traffic.
Ang entrance sa ACAMP ang kadtong dalan pabor sa Calumpang og ang exit sa paggawas sa sementeryo ang kasamtangang entrance.
Apela niya sa katawhan nga sundon ang mga patakaran aron mahimong hapsay ang kasaulogan sa kalag-kalag.
