Dili muobos sa lima katawo ang patay , may 20 samaron og duha ang missing tungod sa maut nga panahon nga nasinatian nga dala sa epekto sa Intertropical Convergence Zone (ITCZ) og Shear Line sa nasod.
Sumala sa National Disaster Risk Reduction and Management Council (NDRRMC), ang mga namatay nga natala ang gikan sa Regions 2I, 4-A, 4-B, 5, 8 og Region 11. Sa katibuk-an mukabat sa 436,164 indibidwal o 139,000 pamilya ang naapektuhan.
Sa maong ihap, 549 pamilya o 2,366 indibidwal ang kasamtangang mipasilong sa 29 evacuation centers.
Tungod sa maut nga panahon, may mga natala nga kadaut sa imprastraktura kung diin lakip niini ang pagkawala sa kuryente, 39 kadalanan, unom ka taytayan ang dili maagian sa mga apektadong pamilya.
Miabot sa P215.7 million ang gibanabanaan nga kantidad sa damyos nga may 698 ka mga balay ang partially damaged og 394 ang totally damaged.
Sa pagkakaron, kapin na sa P15.15 million ang natunol nga hinabang.
Samtang, gideklara ang states of calamity sa Baco, Oriental Mindoro, lakip sa Don Marcelino og Malita sa Davao Occidental.
