Gikompirma ni Japanese Chief Cabinet Secretary Yoshimasa Hayashi nga ilang nakit-an ang Liaoning aircraft carrier sa China sa kadagatan sa ilang nasud.
Kahinumduman nga ang Lionning carrier, inubanan sa daghang mga barko, miagi sa exclusive economic zone (EEZ) sa Japan duol sa Minamitorishima, usa ka hilit nga isla sa habagatan-sidlakan sa Iwo Jima.
Nakit-an usab ang mga fighter jet ug helicopter nga nagtuyok-tuyok gikan sa Liaoning.
Tungod niini, gipahibalo ni Hayashi nga palig-onon sa Japan ang pagpaniid niini ug padayon nga magtigom og impormasyon sa mga lihok sa mga barko sa China.
Nagpadala og mensahe ang liderato sa Japan ngadto sa China kalabot sa maong insidente.
Sa laing bahin, ang Ministry of Foreign Affairs sa China miinsistir nga ang pagbiyahe sa Lionning subay sa internasyonal nga balaod ug giingon nga ang ilang nasud adunay kaugalingon nga palisiya sa depensa sa nasud.
Giawhag niini ang Japan nga tan-awon ang isyu “objectively ug ”rationally.”
