GENSAN– Ipatuman sa City Government of General Santos ang Compressed Four-Day Work Week ubos sa Executive Order No. 22, series of 2026, isip kabahin sa paningkamot nga makadaginot sa enerhiya ug mapalambo ang serbisyo sa gobyerno.
Gipahibalo ni City Mayor Lorelie Pacquiao, ang mga buhatan sa LGU mag-operate gikan Lunes hangtod Huwebes, sugod alas 8:00 sa buntag hangtod alas 7:00 sa gabii.
Ang lakang nagsuporta usab sa panawagan ni Ferdinand Ferdinand Marcos Jr. nga magdaginot sa enerhiya ug produktong petrolyo.
Gilauman nga makatabang kini sa pagpakunhod sa operational costs ug travel expenses sa mga empleyado, ug makab-ot ang target sa syudad nga 10 hangtod 20 porsyento nga pagkunhod sa konsumo sa lana ug enerhiya.
Dili apil sa maong sistema ang frontline, essential ug vital services aron padayon gihapon ang serbisyo sa katawhan.
