Napili si NBA star LeBron James isip flag bearer sa USA Olympic team sa opening ceremony sa Paris Olympics.
Ang iyang mga kaubang US Olympians maoy nagkahiusa sa pagpili kang James.
Tungod niini siya ang ikatulo nga basketball player nga nahimong unang mga lalaki nga mga players nga nagdala sa bandila sa US Olympics.
Kaniadtong 2004 sa Athens Games, si Dawn Staley ang napili ug sa Tokyo Games ang napili mao si Sue Bird nga nahitabo kaniadtong 2021.
Dako ang kalipay sa 39-anyos nga si James nga napili siya diin dili lang matud pa kini alang sa ilang nasud apan iya kining ipasigarbo lakip sa iyang pamilya.
Ang USA adunay 592 ka mga atleta nga makigtigi sa Paris Olympics.
Ugmang adlawa mahibaw-an kung kinsa ang makauban ni James aron mahimong flag-bearer.
Gipahayag sa mga patakaran sa International Olympic Committee nga usa ka lalaki ug usa ka babaye ang mahimong mag-flag-bearer.
