-- ADVERTISEMENT --
GENERAL SANTOS CITY – Naluwas ang usa ka lalaki nga latagaw ug may diperensya sa pangisip, human gigulgulan ang kaugalingong liog.
Giila ang nasampit nga si Abedin Kauya, 27-anyos, residente sa Loot, Tuyan, Malapatan, Sarangani Province.
Una niini, pasado alas-6:-00 kagahapon sa buntag dihang gigulgulan sa nahisgutan ang iyang liog, gamit ang gabas sa puthaw, sa may roundball sa Brgy Lagao ning siyudad.
Gilayon siyang gitabang sa mga concerned citizen ug unang gidala sa Dr. Jorge P Royeca Hospital, dayon gibalhin sa Doctors Hospital.
Sa karon anaa na sa luwas nga kahimtang ang nasampit, ug giatiman sa iyang pamilya samtang nagpaalim sa nasampit nga tambalanan.
-- ADVERTISEMENT --
