GENSAN– Gi-hostage sa usa ka lalaki ang iyang kaugalingon sulod sa usa ka establisyemento sa may Dadiangas, North ning dakbayan sa Gensan.
Subay sa nahipos nga report sa Bombo Radyo nga pasado alas dos karong hapon dihang kalit lang misulod ang maong lalaki agi sa service center sa mga nagabaligya og motorsiklo og nangukay sa mga tools diin aduna usab dala nga kutsilyo ang nasampit.
Wala makabantay ang mga trabahante sa pagsulod sa maong lalaki apan dayon silang nanawag sa kapulisan aron marespondihan ang maong panghitabo.
Samtang ginakumbinsi sa kapulisan nga buhian ang kutsilyo og magsurender , ginaduslak usab sa maong lalaki ang iyang kaugalingon kung asa punting sa iyang liog og dughan.
Sa wala madugay kalit kining nawad-an sa iyang panimuot hinungdan dali dali nga giduolan sa mga pulis og paspas nga gisakay sa patrol car og gidala sa labing duol nga ospital.
