Gisuportahan ni Senador Panfilo “Ping” Lacson ang pag-isyu og warrant of arrest batok kang kanhi House Speaker Martin Romualdez kalabot sa kontrobersiya sa mga flood control project.
Matud ni Lacson, ang pag-isyu og warrant of arrest batok kang Romualdez maoy pamatuod nga adunay lihok ang administrasyon sa pag-atubang sa kontrobersiya nga naglibot sa mga proyekto sa flood control.
Sumala sa senador, kinahanglan nang mahunong ang mga batikos batok kang Pangulong Ferdinand Marcos Jr. nga giingong huyang ang pagpanguna ug kulang og determinasyon sa pagsulbad sa isyu sa mga flood-control project.
Gidayeg usab ni Lacson ang Office of the Ombudsman tungod sa ilang pagpahigayon og imbestigasyon ug giawhag ang publiko nga suportahan ang maong institusyon.
Gipasiugda niya nga ang labing importante karon mao nga nabigyan og higayon ang kanhi Speaker nga atubangon ang mga akusasyon batok kaniya sa korte ug depensahan ang iyang kaugalingon subay sa hustong proseso sa balaod o due process
