GENERAL SANTOS CITY – Adunay 78 ka ka kaso sa dengue ang natala sa dakbayan gikan Enero 1 hangtud Marso 25 ning tuiga nga adunay upat ang patay.
Sa report gikan sa City Health Office kon CHO nga ang maong kaso ang 82% ang pag-ubos itandi sa 428 ka kaso nga natala sa susamang panahon sa miaging tuig.
Ang barangay nga may labing daghang kaso ang Labangal nga ana sa 13, Calumpang 11, Lagao walo, San Isidro og Fatima adunay pito, Tambler 5, Mabuhay og Apopong upat, og tag tulo sa Siguel og sa Katangawan.
Miapila ang CHO sa publiko nga manglimpyo sulod og gawas sa balay gumikan daghan na ang kaso sa dengue sa dakbayan. Kung kaniadto seasonal lamang o panahon sa ting -ulan lang ang dengue apan karon tibook tuig na may natala nga kaso sa dengue.
Angayang magkooperar ang tanan sa pagpanglimpyo sa palibot aron nga walay breeding ground ang mga lamok.
Ang pagpanglimpyo sa sulod og gawas sa balay ang dakong tabang aron nga dili makabaton sa maong sakit.
