GENERAL SANTOS CITY – Anaa na sa 62 ang kaso sa coronavirus disease sa Rehiyon 12.
Kini human nadugang ang usa ka 31 anyos nga lalaki nga taga Kiamba Sarangani Province nga may travel history sa Metro Manila.
Ang nahisgutang ang miabut sa Sarangani kaniadtong Hunyo 16.
May usa usab nga nadugang nga suspected covid 19 death hinungdan nga misaka na sa 62 ang natala nga namatay tungod sa maong sakit.
Apan sa maong ihap, 39 niini ang nakarekober sa maong sakit.
Sa ulahing datos nga gipagawas sa DOH-12, nanguna gihapon nga adunay labing daghang kaso sa COVID 19 ang South Cotabato nga adunay 17 , gisundan sa Cotabato City nga adunay 15.
Samtang 11 sa Sultan Kudarat, siyam sa North Cotabato.
Sa Sarangani Province, pito ang natalang kumpirmadong kaso sa covid19 apan duha niini ang nakarekober samtang ang GenSan, may tulo ka kaso og duha niini ang nakarekober na.
