Naobserbahan sa mga doktor sa dakbayan nga nagkadaghan ang mga bata nga natakdan sa kaso sa COVID 19 sa dakbayan.
Apila ni Dr. Fidel Peñamante, presidente sa GenSan Medical Society nga unta dili tugutan ang mga bata nga muadto sa mga malls kay delikado gumikan wala pa nabakunahan ang mga nasampit.
Iyang gikabalak-an nga kung magpadayon ang maong gimbuhaton basin magbalik ang syudad sa miaging mga bulan nga daghan ang kaso sa COVID 19.
Kahibaluan nga nabalaka ang mga eksperto midagsa ang mga bata sa mall human nga gitugtan na nga makagawas sa balay.
Ang mga eksperto ang nagsugyot nga dad-on sa open nga lugar ang mga bata og dili sa mga sirado nga dapit og daghang tawo aron nga makalikay nga matakdan sa COVID 19.
Matud pa nga ang mga bata ang dili mapwersa nga magsul-ob sa facemask og dili makatuman sa mga protocols hinungdan nga dako ang posibilidad nga matakdan sa virus.
