Kaso sa COVID 19 sa Fatima 5 na

GENERAL SANTOS CITY – Lma ka kaso sa COVID 19 ang natala sa Fatima ning syudad.

Kini ang gikumpirma sa Bombo Radyo GenSan ni Kapitan Reynante Curit.

Ang labing ulahing natakdan sa COVID 19 sa ilang barangay ang usa ka lalake nga gakompra og isda sa fishport.

Ang maong lalake ang gidala sa usa ka pribadong ospital sa syudad kung asa anaa sa stable ang kondisyon.

Human nasayran nga nagpositibo sa COVID 19 gilayon nga gipailawom sa lockdown ang usa ka area kung asa didto gapuyo ang maong pasyente.

Tungod niini ilang gipatuman ang modified curfew sa ilang lugar gikan alas 7:00 sa gabii og mahuman alas 4:00 sa kaadlawon.

Nasayran nga ang Fatima ang usa tulo ka unang barangay sa syudad nga may natala nga kaso sa COVID 19 nga walay travel history.