GENERAL SANTOS CITY – Ubay-ubay ang nasikop sa kapulisan sa Region 12 sa gipahigayong Simultaneous Law Enforcement Operation sa miaging Oktobre 8, 2020.
Mukabat sa siyam ang nasikop sa Cotabato Police Provincial Office (CPPO), walo sa South Cotabato Police Provincial Office (SCPPO), upat sa Sultan Kudarat Police Provincial Office (SKPPO), lima sa Sarangani Police Provincial Office (SKPPO) 17 sa General Santos City Police Office (GSCPO).
Sa katibuk-an mukabat sa 43 ang nasikop nga mga nalambigit sa nagkadaiyang kremin.
Nasuta nga pito ang nakumpiska nga armas sa CPPO, usa sa SCPPO, siyam sa SKPPO, tulo sa SPPO, lima sa GSCPO, duha sa RPDEU nga sa katibuk-ang mukabat sa 25 ang ilang nakumpiska.
Sa bahin sa mga bala nga nakumpiska anaa sa 17 sa SKPPO, upat sa SPPO, 61 sa GSCPO og siyam sa RPDEU samtang wala sa CPPO og SCPPO.
Sa explosibo duha sa Cotabato Province, usa sa South Cotabato, 12 sa Sultan Kudarat, wala sa Sarangani og GenSan.
Sa bahin sa market value sa nakumpiska nga ilegal nga droga kapin sa P273,000 sa Cotabato, P6,000 sa Sultan Kudarat, P3,400 sa Sarangani, P13,280 sa GenSan P300,000 sa RPDEU nga sa katibuk-an dulan sa P600,000 ang kantidad sa ilegal nga droga nga nakumpiska.
Nasuta nga kapin sa P7,500 ang katibuk-ang salapi nga nakumpiska sa ilegal nga sugal.
