Kapulisan nagpahimangno sa publiko aron luwas ug hapsay ang pagsugat sa bag-ong tuig

GENSAN – Subling nagpahimangno ang kapulisan sa publiko aron mahimong luwas ang pagsugat sa Bag-ong tuig.

Matod ni City Director PCol. Nicomedes P. Olaivar Jr. angayang magpabiling mabinantayon sa tanang higayon.

Kung anaa sa daghang tawo, likayan ang pagdala og daghang kantidad sa kwarta og pagsuot og mahalong alahas.

Gipasalig usab niya sa publiko nga ang mga personahe sa PNP anaa sa hingpit nga pag-deploy sa tibuok panahon sa kapaskuhan aron mapadayon ang kalinaw ug kahusay ug masiguro ang kaluwasan sa publiko.

Giawhag sa GSCPO ang tanan nga mokooperar sa mga awtoridad ug ireport dayon ang bisan unsang kadudahang mga kalihokan alang sa luwas, hapsay, ug makalingaw nga panahon sa kapaskuhan.