GENERAL SANTOS CITY- Gipakita sa kapulisan ning syudad ang matang sa pagguba sa mga Illegal nga pabuto nga kabahin sa mandato aron maprotektahan ang publiko sa dautang epekto sa nahisgutang produkto nga posebli maghatag ug kadaut sa panglawas .
Sa usa ka seremonya nga gipahigayon kagahapong adlawa sa Camp Fermin Lera sa pagpanguna ni City PNP Director Col. Nicomedez Olaivar gilumsan sa tubig sulod sa drum ang daghang matang sa ilegal nga pabuto nga nakumpiska sa mga otoridad.
Anaa usab ang presensya sa mga personahe sa Explossive Ordnance Dispossal Unit ug canine unit samtang naa usab ang pipila ka sakop sa General Santos City Police Office.
Pipila ka oras gikan karon tagbuon na ang bag-ong tuig pinaagi sa paggamit ug pabuto huningdan nga padayon ang panawagan sa kapulisan nga likayan ang paggamit sa mga Illegal nga pabuto apan mas maayo nga mutan-aw na lamang sa comuunity fireworks display .
Panawagan usab sa kapulisan nga dili magpadani sa mga baligya nga naa sa bangkita hilabi na unyang hapon hangtud gabii kung asa gituhu-an nga ipagawas ang mga Illegal nga pabuto aron itinda .
Nasuta nga usa ka residente sa Sinawal ang nabuthan ug naputlan ug tudlo tungod sa paggamit ug pabuto.
