GENERAL SANTOS CITY – Kapin sa P360,000 ang illegal nga droga nga nakuha sa mga otoridad sa gipahigayon nga anti-illegal drug operation sa Barangay Poblacion, President Quirino, Sultan Kudarat.
Sa ang buy-bust operation nasikop ang mga suspek nga silang si alyas “Amir”, 34 anyos, ug alyas “Den”, 43 anyos, parehong mag-uuma ug residente sa Barangay Dapyawan, Datu Saudi Ampatuan, Maguindanao del Norte.
Nakumpiska gikan sa mga suspek ang siyam (9) ka heat-sealed plastic sachets sa gidudahang shabu nga may gibanabana nga gibug-aton nga 53 gramos ug kantidad nga muabot sa ₱360,000.00 base sa Standard Drug Price.
Apil usab nga nakuha ang ₱1,000 nga buy-bust money, usa ka cellphone, ug sling bag nga gigamit sa mga suspek.
Ang mga ebidensiya ug ang nadakpan gidala sa President Quirino Municipal Police Station alang sa tukmang dokumentasyon ug disposisyon.
