GENERAL SANTOS CITY – Mas gipahugtan pa ang kampanya batok sa ilegal nga droga human nadakpan ang duha ka high-value drug suspects sa usa ka buy-bust operation nga natigayon sa miaging Hunyo 4, 2025 sa Koronadal City.
Ang operasyon gipangunahan sa Koronadal City Police Station, South Cotabato Police Provincial Office, ug Tracker Team Charlie sa Regional Intelligence Division 12.
Ang mga suspetsado nga giilang sila alyas “Panoy,” 37 anyos, ug alyas “Boboy,” 49 anyos, pulos mga residente sa Koronadal City.
Ang duha nasikop gumikan sa ilang paghupot sa upat ka upat ka sachet sa gituohan nga shabu nga gibana-banaa nga anaa sa 150 gramos ang gibug-aton.
Kapin sa P1 million ang estimated nga kantidad sa maong droga.
Gidala ang mga suspetsado ug ebidensiya sa Koronadal City Police Station para sa dokumentasyon ug hustong proseso.
Gipasidunggan ni PBGEN Arnold P. Ardiente, Regional Director sa PRO 12, ang mga sakop sa operasyon. Nagpasalamat ang nasampit sa
paspas ug tinabangay nga aksyon sa kapulisan aron maprotektahan ang komunidad ug kabatan-onan batok sa kadaot nga dala sa ilegal nga druga.
