GENERAL SANTOS CITY – Magsugod sa Oktobre 26 hangtud sa Nobyemtre 25, 2020 ang bakuna batok sa measles og rubella.
Matud pa sa Department of Health-Center for Health Development (CHD) SOCCSKSARGEN Region nga ang Measles-Rubella Vaccination ang alang sa mga bata nga nagpangidaron og siyam ka bulan hangtud sa 59 ka bulan.
Nasayran nga adunay reported nga suspected cases sa tipdas sa rehiyon gikan Enero 1 hangtud Septiembre 20, 2020.
Gibutyag nga miubos ang kumpirmadong kaso sa tipdas og 60% ning tuiga itandi sa tuig 2011 kung asa 11 ang namatay sa measles sa Region 12.
Gihingusgan sa DOH nga ang maong bakuna ang dugay na nga napamatud-an nga epektibo sulod na sa pipila ka dekada.
Apan gipasalig sa DOH nga ipatuman ang healthy protocols sa mga magbakuna aron makalikay nga matakdan sa COVID 19.
Tungod niini mihangyo ang City Health Office ngadto sa publiko nga ang makigkooperar tungod ang gusto nga mahitabo nga madepensahan ang mga bata batok sa nagkadaiyang mga sakit.
Gibutyag nga mukabat sa 463,675 ka mga bata ang target nga mabakunahan sa Region 12 batok sa tipdas og rubella.
Sa nasampit nga ihap, 147,474 ang bakunahan sa North Cotabato, 90,508 sa South Cotabato, 79,252 sa Sultan Kudarat, 57,828 sa Sarangani, 58,776 sa GenSan og 29,837 sa Cotabato City.
