Usa ka talagsaong hitabo ang nahitabo sa Dortmund, Germany, diin 122 ka iro ang dungan nga milingkod sulod sa 30 segundos aron makahimo ug bag-ong Guinness World Record!
Ang pagsulay sa rekord gihimo sa “Dogs and Fun Fair”, usa ka tinuig nga panagtapok sa mga tag-iya sa iro.
Ang kalihokan gipasiugdahan sa usa ka German nga pet food brand sa pakigtambayayong sa German Kennel Club (VDH). Ang kampanya nagtumong sa pagpakita sa hustong nutrisyon ug pag-atiman sa mga binuhi.
Sa wala pa ang pagsulay sa rekord mismo, ang mga iro nagpundok sa usa ka dako nga lawak, gihatagan og mga pagkaon, ug ang ilang mga tag-iya nag-awhag kanila sa paglingkod.
Sa tukma nga gidaghanon, ang mga iro dungan nga gisugo sa “sit’ ug human sa 30 segundos sa disiplina ug pailub, sila malampuson nga nakompleto ang hagit.
Gitunol ni Guinness World Records Adjudicator Seyda Subasi-Gemici ang opisyal nga sertipiko ngadto sa mga organizers nga nakapalipay sa tanang nanambong ilabi na sa mga iro nga nakadawat og premyo ug pasidungog.
Sumala sa mga nag-organisar, dili lamang ang mga tawo ang makahimo sa paghimo og talagsaon nga mga rekord, tungod kay ang atong mga binuhi makahimo sa ingon, basta sila adunay giya, gugma, ug husto nga nutrisyon.
